سيدة تخلع زوجها بسبب “الطمع” 

كتب-أسماء سرور

“جوزى طول عمره طمعان فى ابويا وبيستغله” هكذا بدأت رنا كلامها فى محكمة الأسرة.. تعالوا نعرف الحكاية.

ابن الجيران

وقفت رنا أمام محكمة الأسرة تحكى قصتها وقالت “انا بنت وحيدة على 3 ولاد كنت مدلعة فى بيت أهلى والبلد كلها تعرف حب أبويا وتقديره ليا حتى دخلنى أنا كلية خاصة غير اخواتى وطلباتى كلها مجابة، حتى لما اتقدم جوزى ليا وهو جار لينا كان الكل بيشهد بأخلاقه وأهلى وافقوا عليه.

اكملت رنا كلامها وقالت” ابويا كان كل شرطه انه يشيلنى فى عينه ومطلبش منه طلبات زيادة ولكن جوزى كان طماع اكتر واستغل حب أبويا ليا”.

طمع الزوج

تابعت رنا كلامها وقالت” جوزى كان كل ما بابا يحتاج يصلح أى حاطة كان بيصلحها هو أو ياخدها لحد وياخد فلوس أكتر بكتير من أى فنى ودة كان بيزعل بابا بس عشانى كان بيسكت واتكرر الموضوع أكتر من مرة”

أضافت رنا وقالت”جوزى فضل يستغل ابويا لحد ما فى مرة روحنا كان فى غسالة عاوزة تتصلح وبابا جاب فنى ساعتها جوزى قلب وشه عليا وروحنا اتخانق معايا وحلف أن أبويا ما يدخل البيت تانى، ساعتها أنا عرفته أنه طمعان فى أبويا والموضوع تطور للضرب وكلمت أهلى وحصل مشاداة كبيرة بينهم ووصل الأمر إنى أرفع قضية خلع لإستحالة العشرة بينا.

قبلت المحكمة الدعوى ولم تصدر حكمها حتى الٱن.