سيدة تخلع زوجها بسبب “صديقتها”

كتب -أسماء سرور

رفعت السيدة” شيماء.ع” 40 سنة دعوى خلع على زوجها بسبب خيانة زوجها مع صديقتها.

وقفت شيماء أمام محكمة الأسرة وقالت:” أنا متجوزة من أكتر من 20 سنة وعندى ولاد شباب وكانت حياتنا كويسة جدا لحد ما واحدة صاحبتى كانت مسافرة مع جوزها واطلقت ورجعت مصر من غير عيالها،ساعتها صعبت عليا وكنت بدخلها بيتى وبعاملها زى أختى بالظبط لدرجة كنا بنروح المصيف نع بعض وساعات كانت بتبات معايا وفى كل حاجة بشتريها باخد رأيها”.

وأضافت شيماء:”اتفاجئت بيها بتحذرنى أن جوزى بيخونى وبدأت تورينى الأدلة على الخيانة،ساعتها أنا اتجننت وواجهته وهو أنكر كل حاجة،روحت اتخانق معاها ساعتها قالت ليا أن هو كان بيخونى معاها وللاسف مسجلة فيديوهات ليه وكانت فاكرة أنه بيحبها وهو أصلا بيحب يغير كل شوية من غير أى ارتباط رسمى غير بيا ،ساعتها قررت الخلع لأنى اتصدمت فى الاتنين ولحد دلوقتى مش مصدقة اللى حصل ليا”.

حكمت المحكمة بالخلع والطلاق طلقة بائنة وإلزام الزوج بكافة النفقات.