سيدة تخلع زوجها بسبب مصروفات المنزل

كتب -أسماء سرور

رفعت السيدة غالية .م 28 سنة دعوى خلع على زوجها وقالت سبب رفع الدعوى هو بخل زوجها وحرصه فى المصروفات لدرجة طلب منها أنها تصرف على نفسها.

ووقفت غالية أمام المحكمة وقالت أنا متزوجة عن قصة حب كبيرة مش مصدقة أن دة الشخص اللى كنت مرتبطة بيه “مكنتش بركز فى تصرفات البخل بسبب حبى ليه وكنت بقول هو ملوش يصرف عليا طالما مش فى بيته وطلع أن دة نظامه على طول “.

وأضافت غالية اتجوزنا وعدى شهر العسل طبعا كان أهلى جايبين كل خزين البيت وبعدها أنا نزلت أشتغل وكنت حامل ساعتها وحملى صعب جدا وكل ما كنت أقول أقعد من الشغل يقول خلى الأجازة لما بنتنا تيجى وكان بيقول لأمى تروح معايا وطبعا كانت بتشيل مصاريف الدكتور لحد ما جت الولادة أختفى وساعتها أهلى شالوا المصاريف كلها كالعادة وهو جه وقالى بصراحة “أنا مش هصرف على حد تانى غير نفسى عاجبك على كدة ماشى مش عاجبك نطلق وكل واحد ياخد حاجته ” رفضت طبعا وقولت طالما هصرف على نفسى وبنتى  يبقى أخلعه وأخد كل قليمتى كاملة .

النطق بالحكم

قضت المحكمة بخلع المدعية وطلاقها طلقة بائنة .