سيدة تخلع زوجها ..”طلع نصاب”

كتب -أسماء سرور

رفعت السيدة ميار .م 25 سنة على زوجها دعوى خلع بسبب أنه خدعها أنه ميسور الحال واتضح أنه نصاب وعليه قضايا وديون.

وقفت السيدة ميار بعد 3 شهور زواج أمام محكمة الأسرة لتطلب الخلع وقالت بعد الجواز بأسبوع طلب الدهب عشان عنده مشكلة كبيرة فى شغله وبالفعل خده وباعه وبعدها بدأ يطلب فلوس تانى ويقولى أتصرفى أنا مديون مع أنه لما أتقدم ليا فهمنى أنه ميسور الحال ومن عيلة كبيرة فى محافظة تانية .

طلب الفلوس

وأضافت بدأ يطلب من بابا فلوس وفعلا بابا اداله 100 ألف عشان قاله أسبوع وهرجعهم وبعدها بدأ يطلب تانى شكيت فى الموضوع بدأنا نسأل عنه طلع نصاب وعليه قضايا كتير وديون وشيكات لما واجهته وطلبت الطلاق حبسنى وهدد أهلى وحاول يبتزهم لحد ما أهلى أخدونى من البيت ورفعت عليه قضية خلع .

حكمت المحكمة بالخلع والطلاق طلقة بائنة.