سيدة تخلع زوجها.. كلمة السر”سلفها “

كتب -أسماء سرور

رفعت السيدة “مها .م” 32دعوى خلع على زوجها بسبب حب حماتها لأخيه وزوجته وتفضيلهم عليها .

وقفت مها أمام محكمة الأسرة وقالت:” أنا متجوزة بقالى 8 سنين الزوج الكبير وكنت عايشة مع حماتى وبخدمها وحياتنا ماشية كويسة وبعدها أبنها التانى اتجوز بعدنا بسنتين وخد مراته وسافر بره وده مفيش مشاكل منه ،ابنها الأخير اتجوز من 3 سنين ومن هنا بدأت المشاكل” .

وأضافت مها :”من أول ما اتجوز سلفى وهو بيعامل مراته كويس جدا ومش بيخليها تعمل حاجة وطلب من أمه تخدمها كمان عشان حامل وفعلا انا كنت بطبخ وهو بيطلع ليها الأكل وتنزل المواعين تتغسل تحت سكت وصبرت لحد ولدت بعد ما ولدت الوضع بقى أسوء بقت تنزل الولد لحماتى وتقولها خلى بالك منه عشان انا عندى بنتين وبلاش حد يشيله وحماتى نسيت كل حاجة بعملها ليها وبتسمع كلامها ،عملت قاعدة وطلبت يعدلوا بينا فى الخدمة او انا اعزل زيهم حمانى رفضت وجوزى رفض وقال تخدمى أمى وتخدمى كمان أصغر حد موجود هنا ولما قولت لا قال خلاص ملكيش تعيشى هنا وانا هجيب واحدة تخدم أمى والموضوع كبر وقعدت عند أهلى 4 شهور محدش فيهم اتصل ولا كلمنى ولما أبويا بعت ليهم قالوا ترجع تخدم او تقعد عندك ،رفعت خلع بسبب المعاملة السيئة وإستحالة العشرة مرة أخرى”.

حكمت المحكمة بالخلع والطلاق طلقة بائنة.