سيدة تخلع زوجها .كلمة السر “جارتهم”
كتب -أسماء سرور
رفعت السيدة “سارة .م “30 سنة على زوجها دعوى خلع بسبب جارتها التى كان يقول عنها مثل والدته.
وقفت سارة أمام محكمة الأسرة، وقالت:” أنا متجوزة من 6 سنين كان دايما جوزى بيحكى ليا عن واحدة جارته أكبر منه ب 16سنة بيقول أعتبريها أختى الكبيرة او زى أمى وكان بيقول عنها كلام حلو جدا لدرجة إنى كنت مستنية يوم الخطوبة اللى هتيجى فيه عشان أشوفها “.
وأضافت:” جت ليا فعلا أيام الخطوبة وسلامها كان بارد وعمرى ما ارتحت ليها وهو يقول لا أنتى ظلماها أكيد لما تعرفيها هتحبيها مرت الأيام وجت تجهيزات الجواز كان بتدخل فى كل حاجة لدرجة إنى كنت بتخنق وهو كان بيقول خايفة علينا وبتنصحنا وأنها بتعامله زى أبنها لأنها مش بتخلف وأرملة ،طبعا إحساس الأنثى عندى كان بيقول. فيه حاجة غلط”.
واستكملت:” مرت الأيام وخلفت أبنى الأول جت ليا وهيا اللة إختارت الأسم وساعتها حصلت مشكلة كبيرة أنه كان عاوز يسمى الأسم اللى أختارته ولما لاقنى معترضة بشكل نهائى ساعتها اضطر يسمع كلامى ونسميه اسم أنا أختاره وهيا بعدت عنى اكتر من سنتين ،بعدها حملت فى ابنى التانى وساعتها جوزى حلف يسمى الاسم اللى هيا اختارته ساعتها أنا أتاكدت ان فى حاجة غلط وقررت أقرب منها واروح ازورها فى بيتها وروحت فعلا وبدأت الزيارات تزيد لحد ما لاقيت هدوم لجوزى عنها ولما سألتها اتهزت وقالت مش عارفة إيه جابها هنا أتصلت عليه وواجهته واتهمته بالخيانة ساعتها هيا ردت وقالت أنهم متجوزين عرفى ،طلعت على أهلى ورفعت خلع لأنى مستحيل أعيش معاه أبدا “.
وقبلت المحكمة الدعوى ولم تصدر حكمها حتى الآن .
