سيدة ترفع طلاق للضرر بسبب “اسمها على تليفونه”

كتب -أسماء سرور

رفعت السيدة “منال .س” 28 سنة دعوى طلاق للضرر بسبب معايرة زوجها بوزنها الزائد والسماح لعائلته بالتنمر عليها .

وقفت منال أمام محكمة الأسرة تبكى وقالت:” أنا متجوزة من 8 سنين عندى طفلين كان جسمى رشيق وكان دايما بتباهى بيا فى وسط عيلته والناس كلها .

وأضافت منال من سنين جالى الغدة ووزنى زاد بطريقة كبيرة بسبب مرضى اللى مليش دخل فيه ،بدأ يتنمر عليا وسط عيلته ولما أهزر مع حد من العيال يقولهم “حاسب تاكل دراعك تعالى هنا ” بدل ما يدعمنى هز ثقتى بنفسى وبقيت مكتئبة ووزنى زاد أكتر ،أكتر حاجة وجعتنى أنه مسجلنى على تليفونه “البقرة وحاطط صورة بقرة ليا ” زعلت وقعدت أعيط واقوله بتعمل كدة ليه يقولى خسى وارجعى زى ما كنتى ،غضبت روحت لأهلى جه يصلحنى وأنا عرفت أهلى كل حاجة رفضوا الصلح وهو قال هيتغير ولكن أنا أتكسرت من ناحيته وطلبت الطلاق رفض ،أستحالة العشرة بينا ومش هقدر أكمل حياتى معاه تانى” .

قبلت المحكمة الدعوى ولم تصدر حكمها حتى الآن.