سيدة تطلب الخلع بسبب “أكلة سمك”

كتب -أسماء سرور

رفعت السيدة “ياسمين .ص” 25 سنة على زوجها دعوى خلع بسبب رفض جوزها إحضار سمك مشوى وجمبرى من المطعم فى المصيف.

وقفت السيدة ياسمين أمام المحكمة، وقالت:”جوزى دايما بيحكم رأيه حتى قدام الناس بيحرجنى ومش بيسمع كلامى خالص خلال 3 سنين جواز بيرفض اى كلمة ليا” .

وأضافت السيدة:” كنت فى مصيف مع ماما وأخواتى وهما شالوا كل المصاريف طلبت منه يجيب أكلة سمك مشاركة مننا رفض وقال لا وحلف ما ينزل يجيب حاجة وأحرجنى قدامهم ماما ادخلت وقالت خلاص أنزل هاتها على حسابى حلف ما ناكل سمك خالص وللاسف حصل شد جامد ساعتها وساب المصيف ولم هدومه ونزل على البيت “.

وأكملت رجعت بيتى لاقيت حماتى رافضة تدخلنى وبتقولى ” روحى لأمك عشان تسمعى كلامها وتكسرى كلام جوزك ” رجعت تانى على بيت أهلى وحاولنا الصلح رفض خالص وكان بقالى أكتر من 6 شهور عند أهلى اضطريت أرفع خلع .

وقبلت المحكمة الدعوى ولم تصدر حكم حتى الآن .