سيدة تطلب الخلع بسبب “أهل جوزها”

كتب -أسماء سرور

رفعت السيدة “ليلى .ز “22 سنة دعوى خلع على زوجها بسبب دخول أهل جوزها شقتها بدون إذنها.

وقفت ليلى أماما محكمة الأسرة وقالت:” أنا متجوزة من 7شهور وبدرس لسه فى الجامعة وجوزى مسافر ،جامعتى فى محافظة أهلى والإتفاق إنى أكمل دراسة بعد الجواز لأن جوزى مش قاعد معايا،فعلا جوزى سافر وأنا روحت قعدت عند أهلى وكل فترة بروح ازور حماتى وأشوف شقتى وارجع تانى عند أهلى”.

واضافت ليلى:” أكتر من ألاقى حاجات ناقصة أسال يقولوا كنا محتاجينها ونسينا نقولك كنت بشك أن حد بيطلع يقعد فيها بس مكنش عندى دليل ،مرة قررت أروح من غير ما أقول ووصلت الصبح بدرى معايا أختى أول ما دخلت الشقة أتفاجئت بالمنظر اللى كانت فيه وكنت ساعتها بصور فيديو لحد ما دخلت أوضة نومى لاقيت أخت جوزى وجوزها رايحين فى النوم ساعتها خرجت وخبط على الباب وطلبت منهم يخرجوا بهدوء لأن مينفعش يدخلوا شقتى بدون إذنى”.

واستكملت نادية:” اتفاجئت بيها بتزعق وبتقول شقة أخويا وحماتى طلعت كنت ساعتها بكلم جوزى أشرح ليه الوضع راحت حماتى طردتنى وهو بيقولى كنتى المفروض تعرفيهم أنك رايحة اتأكدت أنه كان عارف اللى بيحصل وموافق عليه ،طلبت الطلاق رفض لأن المؤخر كبير،رفعت عليه خلع”.

وحكمت المحكمة بالخلع والطلاق طلقة بائنة.