سيدة تطلب الخلع..كلمة السر “الممبار”
كتب – أسماء سرور
رفعت السيدة’ ملك. م” 22 سنة دعوى خلع على زوجها بسبب إجبار زوجها لها تنظيف الممبار الكرشة.
وقفت ملك أمام محكمة الأسرة وقالت:” انا اتجوزن لمدة 6 شهور وكنت بحب جوزى وعايشين كويس مع بعض ومتفاهمين ودة بسبب اننا عايشين بعيد عن أهله لأنهم بيحبوا يعملوا كل حاجة بإيديهم على عكس بيتنا إحنا بنحب نشترى جاهز او ماما بتجيب حد ينضف كل حاجات الأضحية، وجوزى عارف إنى حتى مش بعرف أطبخ اوى”.
وأضافت:” ملك روحنا فى العيد الصغير وساعتها طلبوا منى اعمل معاهم الكحك والبسكوت حبيت اعترض جوزى قالى انه هيقعد يعمل معانا وده لعب وإحتفال بالعيد وافقت وعملت معاهم، جه العيد الكبير حماتى صممت إنى انضف معاهم الكرشة الممبار الكوارع وانا اصلا مش بحب الحاجات دي عشان انضفها رفضت وساعتها الدنيا قامت لاقيته بيقول اسمعى كلامهم رفضت اتخانقنا سيبت البيت وروحت بيت أهلى واتأكدت أن شخصيته ضعيفة مع أهله ورفعت خلع عليه”.
وقبلت المحكمة الدعوى ولم تصدر حكمها حتى الآن.
