سيدة تطلب الخلع بسبب “لحمة العيد”

كتب – أسماء سرور

رفعت السيدة “مها. م” 31سنة على زوجها بسبب لحمة العيد التى أحضرها أهلها إليها.

وقفت السيدة مها أمام محكمة الأسرة وقالت:” أنا متجوزة من 7 سنين وكنت بتعامل مع حماتى دايما انها زى امى وبقعد معاها على طول واللى أهلى يجيبوه انا بقسمه معاها المهم ان أهلى بيجيبوا ليا لأنى البنت الوحيدة حاجات كتير فى العيد والمناسبات”.

وأضافت مها:” أمى دبحت وبعتت ليا لحمة فى العيد وبعتت لحماتى وبعتت كمان كبدة ولحمة وحاجات قالتلى اتغدى بيها مع حماتى، المهم خلصنا اليوم وطلعت لاقيت كيس لحمة صغير بسأل امى قالت انها بعتت ليا 6 كيلو لحمة ولحماتى اتنين نزلت أسأل حماتى قعدت تصوت وتقول إنى بسرقها جوزى جه على الصوت ضربني وهيا كمان ضربتنى معاه لحد ما الجيران خلصونى من ايديهم خدت عيالى وعملت محضر بالواقع ورفعت خلع لأنى مستحيل أعيش معاهم تانى”.

قبلت المحكمة الدعوى ولم تصدر حكمها حتى الان.