سيدة تطلب الخلع بعد يومين بسبب “الصلع”
كتب -أسماء سرور
رفعت السيدة” ميار .س” 26 سنة دعوى خلع على زوجها بسبب الغش وأنه خدعها.
وقفت ميار أمام محكمة الأسرة وقالت:” أنا كنت مرتبطة بجوزى قبل الجواز 4 سنين كان دايما شعره حلو وبيتباهى بيه ويطلب منى أهتم بشعرى عشان هو بيحب الشعر الطويل الجميل وفعلا كنت بحاول أهتم عشان أعجبه” .
وأضافت:”تم الجواز واكتشفت انه مركب باروكة طبعا اتصدمت لأنه غش وضحك عليا وخدعنى وقعدت أساله ليه تكذب عليا قال أنه عنده الصلع دة وراثة وأنه كان مضايق دايما أن معندوش شعر زى الشباب عشان كدة قرر يزرع ولكن الدكاترة قالوا التكلفة هتكون عالية جداً انا كنت بسمع وانا مش مصدقة أنه بقدر يخبى سر زى ده كان لازم يعرفنى وانا أختار ساعتها رفضت اكمل حياتى معاه وقولتله أنه خدعنى وكذب عليا وعمرى ما هسامحه أبدا ،ورفعت خلع بسبب الغش والخداع” .
وقبلت المحكمة الدعوى ولم تصدر حكمها حتى الآن.
