سيدة تطلب الخلع..كلمة السر «سرق الأنترية وخزين البيت»

كتب- أسماء سرور

رفعت السيدة «فاطمة .ع» دعوة خلع على زوجها وقالت فى سبب الدعوة “كل حاجة بيديها لأمه حتى خزين البيت برجع ألاقى تلاجتى فاضية مفيهاش اى حاجة “.

قالت فاطمة 32سنة موظفة فى أحد المصالح الحكومية متزوجة منذ 10 سنوات زوجها 40 سنة أنها تزوجت زواج تقليدى فى بيت العيلة ومنذ اليوم الأول لاحظت أن جوزها بيسمع كلام أمه فى كل حاجة.

أضافت فاطمة:”كنت بجيب خزين الشهر من اللحوم والفراخ واحطهم فى الفريزر عشان ظروف شغلى كنت برجع ألاقى كل حاجة فاضية والأكل كله عند أمه بالرغم أن معاشها كبير بس بتديه لأبنها التانى وتستخصر فينا احنا “.

سرقة أثاث المنزل

أردفت:” حاولت أتأقلم على الوضع خاصة أن معايا بنتين قولت يتريو بينى وبين أبوهم ولكن للأسف حصلت حاجة انا عمرى ما توقعت توصل لكدة “رجعت من شغلى لاقيت الصالة فاضية والأنترية مش موجود بسأل ليه قال أمى عوزاه نزلت أسالها قالت سلفى جاب شقة كبيرة ومحتاج أنترية تانى وانتو بتقعدو فى الأوضة مش محتاجينه” .

أكملت فاطمة أنها ذهبت لأهلها غضبانة وحاول الجميع الصلح ولكن بعد هذا الموقف تأكدت ان الحياة بيننا انتهت ورفعت خلع عليه لرفضه الطلاق.