سيدة تطلب الطلاق للضرر بعد شهرين زواج لسبب غريب

كتب -أسماء سرور

رفعت السيدة “عفاف .ح” 25 سنة دعوى طلاق للضرر بسبب عدم إستحمام زوجها وظهور رائحة كريهة منه.

وقفت السيدة عفاف أمام محكمة الأسرة وقالت:” أنا متجوزة من شهرين من واحد كان مغترب واتخطبنا من خلال ناس معارف ونزل على الجواز على طول ملحقتش اعرفه ولا اقعد معاه ولا اتعرف على سلوكه ونضافته”.

وأضافت:” تم الجواز وسافرنا نقضى أسبوع فى فندق اتفاجئت بعدم استحمامه ولما سألته قال المياه هنا وحشه هتعمله مشاكل وهو جسمه بيتحسس ،استغربت ولكن عديتها رجعنا لاحظت عدم استحمامه ولما سالته بيقول بستحمى لما بتنامى ،الريحة كانت صعبة بيغطى عليها بالبرفانات الغالية اللى جايبها من بره ولكن دة مكنش حل ،اخر ما زهقت كلمت أبوه وأمه حماتى قالت جوزك وانتى حرة معاه وحمايا قعد يتكلم معاه والوضع فضل زي ما هو ،اضطريت اواجهه واسال لو عنده مشكلة قعد يبرر أنه عنده مشاكل جلدية ومش بيتحمل الماية ولازم استحمله عرفته أن كل المشاكل ليها حل ونروح نكشف قال روحت كتير لحد ما فهمت أنه عنده مشكله نفسية من الماية وأهله عارفين ،ساعتها عرفت أهلى وطلبت الطلاق رفض لجأت للمحاكم” .

قبلت المحكمة الدعوى ولم تصدر حكمها حتى الآن .