سيدة تطلب خلع بسبب “شغل المنزل”

كتب -أسماء سرور

رفعت السيدة مها .م29 سنة دعوى خلع على زوجها بسبب عدم مساعدتها فى أعمال المنزل .

وقفت مها أمام محكمة الأسرة بعد سنة زواج وقالت أنا متجوزة من سنة وعندى طفل عنده شهرين والمسئولية كبيرة جدا عليا ومش قادرة أشيلها لوحدى جوزى مش بيعمل معايا حاجة عكس الإتفاق اللى بينا اننا نساعد بعض فى البيت والشغب ومصاريف الحياة .

وأضافت مها أنا طول عمرى عايشة برة ومتعودة أن الراجل يساعد عادى فى شغل البيت وكان الجواز واضح من الأول وكنت صريحة معاه وهو واقق وكان فعلا بيعمل معايا أول 3 شهور جواز لحد ما حماتى عرفت كدة قلبته عليا ومبقاش يعمل أى حاجة ولما كنت أطلب كان الموضوع بيقلب بخناقة وانا كنت حامل مكنش عندى أعصاب للخناق طول الوقت ،للأسف الوضع بقى أسوأ بعد ما ولدت وهو بقى يسيبنى عشان بيقول مش عارف ينام ويروح عند ماماه ينام عندها دة أثار غضبى واتكلمت معاه كان رده أن كل الستات كدة ،قررت إنى مش هينفع أعيش مع واحد مش حاسس بيا ولا مقدرنى ورفعت خلع عليه.

قبلت المحكمة الدعوى ولم تصدر حكمها حتى الآن.