سيدة تطلب طلاق للضرر بدلاً من الخلع..كلمة السر 700 ألف مؤخر
كتب -أسماء سرور
رفعت السيدة “أية .ص” 26سنة على زوجها طلاق للضرر بسبب سفرة خارج البلاد لأكثر من سنة وأضافت أن من أسباب الطلاق خيانة الزوج لها.
وقفت السيدة أيه أمام محكمة الأسرة تطلب الطلاق من زوجها بعد زواج 3 سنوات بدون أطفال وقالت أنا تزوجت من زوجى يعمل مهندس فى الخارج كنت فاكرة حياتى هتبقى سعيدة ولكن لاقيت نفسى وحيدة وهو بينزل فى السنة شهر واحد .
وأضافت :”كان نفسى يبقى عندى أسرة وأطفال ولكن بسبب سفر جوزى حلمى مش عارفة أحققه وللأسف أكتشفت أكتر من مرة علاقاته المتعددة وهو مسافر وكنت بحاول إنى أعدى عشان البيت” .
وأكملت :”طلبت منه الطلاق بسبب انى نفسى يكون معايا ويقعد هنا ميسافرش تانى رفض وقال أنا ليا مستقبل وحياة وطلب منى أكتر من مرة أسافر وكنت برفض بسبب تعلقى بأهلى وبلدى وأصحابى مش هقدر على الغربة” .
المؤخر
وطلبت أية الطلاق من زوجها رفض بسبب المؤخر الذى يبلغ قيمته 700 ألف جنية بالإضافة لقائمة المنقولات وقال روحى أعملى خلع ولكن أنا عاوزة أخد كل مستحقاتى كاملة عن طريق الطلاق للضرر .
قبلت المحكمة الدعوى ولم تصدر حكمها حتى الأن.
