سيدة تطلب طلاق للضرر بسبب “زيارة العيد”

كتب – أسماء سرور

رفعت السيدة” منار. خ” 28 سنة دعوى طلاق للضرر من زوجها بسبب إجبارها زيارة أهله اولا فى العيد.

وقفت منار أمام محكمة الأسرة وقالت:” انا متجوزة من خمس سنين من ابن عمى وبابا وعمى ساكنين فى بيت عيلة، انا متجوزة فى شقة برة لما كان بيجى أعياد او مناسبات زى رمضان جوزى كان بيجبرنى نروح لأهله بس ومطلعش حتى اسلم على اهلى عشان امه كانت بتزعل وأنا كنت بقول بلاش مشاكل.

وأضافت:” كنا عندهم فى العيد الصغير وابنى عشان عارف ان دة بيت جدته قعد يعيط عشان نطلع نسلم عليها ساعتها خدته وطلعنا كنت فاكرة الأمر عادى، أول ما نزلت حماتى سألتنى كنت فين قولتلها بنسلم على ماما ساعتها قعدت تزعق وسخنت جوزى ضربنى قدامها، أخويا وبابا لما سمعوا كدة نزلوا وكله مسك فى بعضه وأنا غضبت عند أهلى وقررت الطلاق بسبب المشاكل اللى بينا وبين أهلنا وعمرنا ما هنرتاح مع بعض وعمرى ما هقبل الإهانة ولا الضرب ابدا لذلك استحالة العشرة بينا”.

وحكمت المحكمة بالطلاق طلقة بائنة وإلزام الزوج بدفع كافة النفقات.