سيدة تطلب طلاق للضرر.. كلمة السر “أخت جوزها”
كتب -أسماء سرور
رفعت السيدة هاجر .م 28 سنة دعوى طلاق للضرر على زوجها بسبب تحكمات أخته فى المنزل وإصرارها على العيش معها.
وقفت هاجر أمام محكمة الأسرة وقالت أنا متجوزة من 4 سنين وكان جوزى كويس وطيب ولكن حماتى وأخت جوزى كانوا بيقعدوا يطلبوا منه طلبات كتير وهو عشان طيب كان ممكن يقصر فى بيته بس مش بيأثر معاهم وأنا كنت بحبهم ومش بقصر معاهم.
وأضافت هاجر للأسف أخت جوزى جوزها مسافر وقاعدة معانا فى البيت،دلوقتى بتقول أن الشقة الدور الأرضى مش بيدخلها شمس وعاملة زى المقابر،واقنعت حماتى يطلعوا شقتى وانا أنزل تحت وحماتى أقتنعت ،كلموا جوزى ورفض كلمونى وأنا رفضت لاقيت أخت جوزى طالعة بالشنط وتقول هنعيش سوا وساعتها جوزى متكلمش ،رفضت قالى يعنى هطردها قولتله لا أنا اللى همشى ،هيا وحماتى كلمونى وقالوا هنجوزه فى الشقة خليكى عند أهلك وحاولت أكلمه أفهم منه رفض وشايف إنى مش بحب أهله وخيرنى بين الرجوع على نفس الوضع أو أقعد عند أهلى .
قبلت المحكمة الدعوى ولم تصدر حكمها حتى الآن.
