شاب يريد خطبة بنتي دون علم والدها.. مشكلة من بريد مولاتي
كتب- ندى الجبالي
في شكوى من بريد مولاتي.. تقول السيدة “م-ع”: “بنتي في اولي جامعة وفي ولد عايز يجي يتقدم ليها يبقى امه بنت عمتي الولد قد بنتي في اولي جامعة كلم بنتي وبيقولها انه بيحبها وعايز يجي يتقدم بس وهو رايح تالته جامعة كلم مامته ومامته موافقه الولد ماشاء الله متربي”.
وتضيف: “انا يعتبر خالته كلمني وعايز لما يخلص تانية يجي يتقدم لبنتي بس الكلام يكون بيني وبينه بس مش عايز بابها يعرف دلوقتي بصراحة حكيت لجوزي وجوزي قالي مفيش خطوبه دلوقتي غير وبنتي رايحة رابعه جامعه هما لسه صغيرين ويمنع كلام معها خالص”.
وتضيف:” بنتي بتقولي لو قولتي ياماما له كدة انا هكلمه من وراكي مش بحب اخبي حاجه عليكي وبصراحة مقتنعه بكلام جوزي جدا ان الولد يبعد لغاية ميجي يتقدم رسمي بس البنت مش متقبلة كدة خالص وخايفة اشد عليهم يقبلو بعض من وراياه ومش عارفة اتكلم مع حد ياريت حد يفيدني اعمل ايه الولد المفروض جاي يقابلني بكرة اقوله ايه”.
رد مولاتي
أرى ياسيدتي أن السيناريو الأفضل في تلك الحالة هو رفض الارتباط شكلا مع اتاحة الفرصة للتعارف بين الولد والبنت بمعنى أن يتحادثا تليفونيا فقط دون اضفاء شرعية بالموافقة لتلك العلاقة، مع المحافظة على ابقاء الثقة بينك وبين بنتك.
وأرى أن الفترة القادمة هي ما ستحدد إذا كان الطرفان بحاجة إلى مزيد من التقارب بالفاتكة والخطوبة أم الإغلاق الكامل في وجه الخاطب المستقبلي.
