صاحبتي بتحب جوزي وعملت حاجة محدش يصدقها.. مشكلة من بريد مولاتي

كتب- ندى الجبالي

ما ابشع الشعور بطعنة من صديق مقرب تشعرك ان الحياة باتت مهددة وان منح الثقة هو غباء في زمن الخيانة.

ففي رسالة من بر مولاتي، تقول فيها ا.ي “بصراحه عايزه اخد رايكم في حاجه يا بنات انا في واحده صاحبتي هي مش صاحبتي قوي يعني بس هي صاحبتني علشان هي كانت بتحب جوزي قبل الجواز بس هو بصراحه ما بيحبهاش انا عارفه ومتاكده يعني من كده انا وجوزي متجوزين عن حب المهم هي صاحبتني بعد الجواز وبدات تقرب مننا “.

وتضيف ” طلعنا مصيف مع بعض لقيتها باعته لجوزي رسائل على الوتس ان هو وحشها المهم انا اللي مسكت الرسائل ورديت عليها وانت بتهرب مني ليه انت ما بتردش علي ليه ده كله مع العلم ان جوزها كان معاها في المصيف المهم انا نزلت لها وجات عندي الشقه وقعدت تعيط وتقول لي ابوس ايدك ما تفضحنيش”.

وتتابع” حبيت ان انا استر بني ادم وعملتها عادي جدا ولا كان في حاجه علشان ما ابينش لجوزها حاجه ورجعنا من المصيف انا حولت ان انا اقطع علاقتي بيها المهم هي حاولت تعمل عليا تمثيليه هيو واحده صاحبتها وقالت لصاحبتها كلميها وقولي لها ان انا بنتحر وهموت نفسي لو هي ما سامحتنيش ولو ما رجعتش تكلمني تاني انا هموت نفسي”.

وتضيف” انا كلمتها وهديتها وكانت صعبانه عليا فعلا وقلت ايه خلاص عفا الله عما سلف وكلنا بنغلط وخلاص ما فيش مشكله المهم يا بنات المشكله هنا في ان انا متاكده ان هي لسه بتحب جوزي هي بتحاول تبين لي طول الوقت ان هي كويسه هي وجوزها و عايزه تبين للمجتمع والدنيا ان احنا لسه اصحابه كويسين تاني زي الاول انا عايزه اعمل حاجه ابين لها ان انا فعلا مش مسامحاها وان انا مش عايزاها تبقى ليها علاقه بيا اعمل ايه؟”.

رد مولاتي

ماذا تفعلين؟؟ الإجابه واضحة وضوح الشمس أمام عينيك ولكنك تماطلين في التنفيذ ..ما الذي يجعلك تذهبين لمصيف مع امرأة تحاول جذب انتباه زوجك لها وتكن له المشاعر كما تقولين..

لماذا تتصرفين بكل تلك الا مبالاه تجاه تلك القصة اتريدين أن تقع الفأس في الرأس ويحن زوجك لها.. افعلي ما تشائين فستحصدي ما زرعته يديك مهما كانت الزرع.