صورة رومانسية تسببت في طردي ساعة الإفطار.. سيدة تشتكي ومولاتي ترد
“هل يستحق بوست لمنشور على الفيس بوك يحتوى على صورة رومانسية بها بعض الكلمات الرقيقة لزوجي، الطرد والمشاجرة والخصام؟”، سيدة تروي مشكلتها مع زوجها.
تقول” ع.م”: “انا نزلت صورة رومانسية من على النت عندي، اخو جوزي شافها راح متصل بأهله و كلم أبوه و أمه و نزلت أفطر لاقيت حمايا قبل المغرب و احنا اعدين مستنين المغرب قالي افتحي نت و وريني صفحتك هو اصلا مش متعلم و فاهم حاجه فروحت فتحت الصفحه بس مش فاهمه هو قصده علي ايه”.
وتضيف: ” انا فتحت الصفحه الرئيسيه اللي هي بتاعت اي حد بينزل بوست بشوفه راحت حماتي قايله لجوزي شوفت مراتك منزله ايه قالها منزله ايه قالتلو افتح و شوف فتح و شافها و بردو مش فاهم حاجه راحت قالتلو اخوك شافها و عيب كده ازاي تنزل كده”.
وتستكمل :” حمايا قال كمان ما تصور نفسها و هي في السرير معاك و تنزلها راح المغرب إذن راح حمايا كان بيزعق و رمي المعلقه علي الأكل و قالي اطلعي فوق كان موقف مكسف اوي أن المغرب يأذن يطردني و يقولي اطلعي فوق وطلعت فعلا انا عايزه اعرف لما انزل صورة رومانسية دي فيها ايه”.
نصيحة مولاتي
لا عليك يا عزيزتي، فتفاوت الأجيال جعل من الصعب تقريب وجهات النظر ، وإذا إردتي التبرير فلن تجدي مستمع للأسف.
انتي تعلمتي من هذا الموقف أن للزواج ضريبة يتم فيها دفع من حرياتنا وحقوقنا ما نراعي به مشاعر غيرنا، حتى وان كان الحق حقك حتى وإن لم تخطغي، لذا عليكي التريث ألف مرة قبل وضع أي منشور فيما بعد والعالم الافتراضي بأكمله لا بكاء عليه.
