طلبت ١٠ الآلاف جنيه.. الإعلامية مروة صبري تفجر مفاجأة حول مرض آلاء عبد العزيز وتؤكد: تريند رخيص

كتب- ندى أشرف

فاجأت الإعلامية آلاء عبد العزيز، جمهورها بتحولها المفاجئ بعد خلعها الحجاب وادعائها أنها مصابة بمرض نفسي وهو انفصام في الشخصية، وتصدرت حديث مواقع التواصل الاجتماعي الساعات الماضية.

وخرجت منذ قليل الإعلامية مروة صبري وهاجمت  آلاء عبد العزيز، بعد الجدل الذي أثارته في الأيام الماضية بحديثها عن معاناتها من اضطرابات نفسية.

وقالت مروة صبري خلال تقديمها برنامج “قعدة ستات” عبر قناة ألفا: “أنا النهاردة هحكي لكم عن مصيبة وكارثة وحاجة لا تصدق، من يومين تلاتة طلع علينا ظاهرة جديدة، واحدة كانت بتشتغل مذيعة اسمها آلاء عبد العزيز”.

حقيقة مرض الاء عبد العزيز

وأضافت مروة صبري: “كل الدكاترة النفسيين بيقولوا إن اللي عنده فصام الشخصية ما يعرفش إنه مريض بالفصام”.

أوضحت مروة صبري أنها حاولت التواصل مع آلاء عبد العزيز لاستضافتها في البرنامج قائلة: “حاولنا نتواصل معاها وكلمتها، وكلمنا أحد الدكاترة النفسيين يطلع معانا على الهوا وهي موجودة علشان يساعدها على العلاج، وأول سؤال سألته إنتو بتدفعوا فلوس وقبل الهوا بساعة أو ساعتين قالت معلش مش هطلع في البرنامج إلا لو دفعتي 10 آلاف جنيه”.

وتابعت مروة صبري: “أنا عايزة أساعدك وإنت بتساوميني على فلوس؟ إذا إنت مش مريضة، واعترفتي بنفسك وقلت أنا بعمل تريند ونجحت فيه واتشهرت، ومش هطلع في أي قناة إلا لو أخدت فلوس، إذا الموضوع سبوبة”.

واختتمت مروة صبري قائلة: “إيه العبث ده؟ إنت نجحتي تعملي تريند، برافو، بس تريند رخيص وفاشل وأهبل”.