“طلع متجوز ومعيشني في كذبة” .. سيدة تقيم دعوى طلاق ضد زوجها

كتب- ندى الجبالي

رفعت نرمين دعوى طلاق في محكمة الأسرة، ضد زوجها الذي خدعها أكثر من 10 سنوات بالكامل دون شك فيه بسبب معاملته معها وحبه لها، واتقانه لكذبته جيدًا حتى انها صدقت أن زوجها أوفى رجال العالم.

وتضيف نرمين، ان حياتها كانت هادئة ومستقرة حتىتبدلت حياتهما في غمضة عين بعدما اكتشفت سر زوجها الذي كان السبب في قصدها محكمة الأسرة لطلب الانفصال.

وتضيف: “انا اضربت القلم اللي عمري ما انساه، لأني كنت واثقة فيه وواثقة أنه مش ممكن بيخوني ولا بيعمل حاجة غلط حتى، لكني أكتشفت بالصدفة البحتة موضوع جوازه ده.

وتروي أمام خبراء محكمة الأسرة، “كنت ماسكة التليفون بتاعه بالصدقة لقيت واحدة بتتصل ومسجلها حبيبتي دخلت ع الشات بتاعهم لقيتها بتقوله متنساش طلبات العيال، ولما واجهته ما انكرش ، كان نفسي حتى يبين انه ندمان لكنه معملهاش”.

وتختتم “على طول لكيت هدومي وسيبت البيت ولكني طلبت الطلاق، وهو رفض وكأن من حقه يرفض، وبعتتلي، مستنيكي تهدي عشان نتفاهم، ولكن انا مش ههدى ولا عاوزة اتفاهم، انا عاوزة اطلق وخلاص”، لذا توجهت إلى محكمة الأسرة لرفع دعوى طلاق.