عايشة غريبة وسط أخواتي.. سيدة تشتكي ومولاتي تضيء لها الطريق
كتب-سارة منصور
“ما أصعب الغربة وسط الأهل والأحباب”، سيدة تروي بمرارة وقسوة المعيشة وسط الأهل.
تقول السيدة “ث.م”: انا هطق من جنابي انا مطلقه وقاعده بولادي في بيت اهلي في شقه منفصله اخواتي بقى ومراتاتهم مقاطعيني اخواتي اللي بينا مجرد السلام لما نتقابل بالصدفه ومرتاتهم لما اشوفهم وانا طالعه او نازله ب رمي عليهم السلام”.
“هما بقى لو عدوا قدامي مش بيرموا السلام حتى في مواقف كتير حصلت زمان بس كانت حاجات تافهه متخليش اخواتي يقاطعوني كده بيصعب عليا نفسي وانا لوحدي طبعا انا حاولت اكتر من مره نتجمع وعزمتهم يوم رمضان اللي فات بس هما زي م هما مفيش بينا كلام والنهارده هما اتجمعوا وفطروا سوا من غير مايقولولي حتى لو كانوا قالولي هاتي اكلك وانزلي نفطر سوا كنت نزلت وعملت احلى اكل بس محدش قال حاجه”.
“انا عايشه انا وولادي اغراب في بيتنا محدش بيسال ولا بيحن علينا بكلمه الحمدلله مش محتاجه حاجه ولا ناقصني غير اني احس باهلي حواليه ولمتهم محدش بيعيش لوحده وانا حاسه بالوحده واليتم اوووي “.
رد خبراء مولاتي
حفظ الله لكي أولادك سيدتي، هؤلاء هم عزوتك الحقيقية، ودعي الأيام تصفي ما بينكم ولا تلقي بالًا للبعد، ودوامي على إلقاء السلام فتلك هي صلة الرحم وسيحاسبك الله عليها.
وعليكي أن تؤنسي وحدتك بصديقة فربما تكون مع الوقت أقرب من الأهل وأحن عليكي منهم.
