عضوة لمولاتي. افتكروني خبيت حملي بولد وزعلوا ..أعمل ايه
كتب-سارة منصور
تسأل السيدة “د.ط” عن إجابة لمشكلتها تريد الرد عليها، لكون المشكلة تسببت في قطيعة سنين.. فكيف تتصرف.
الحمل في ولد
وتقول ” عايزاكوا تقولولي لو انا غلط..وانا حامل عرفت أنه ولد في أول الخامس ودة بالنسبة لاهلي كدة عرفت متأخر فأخوية فضل يقولي ازاي ولد ولسه عارفة دلوقتي أقوله والله لسه عارفة وحسيته مش مصدق بعدها لقيت مراته كاتبة عالفيس اللي حامل في ولد بتخبي علي اساس انها حامل في احمد زويل فأنا زعلت وعلقت لها قولت لها قصدك ايه قالت لي وانتي خدتي الكلام علي نفسك ليه فسكت بس حكيت لماما وماما قالت لاخوية والموضوع كبر واتخانق مع مراته وانا مكانش قصدي كل دة يحصل وقولت لماما متقوليلوش حاجة بس بعدها اخوية زعل مني هو ومراته وحاولت الم الموضوع وكلمته وقولتله متزعلش انا مش قصدي الموضوع يكبر كدة بس اي حد مكاني هيفتكر الكلام عليه وحتي رد مراتك مكانش لطيف كانت طب تدخل تكلمني تقولي مش قصدي عليكي انا قصدي حد تاني اي حاجة ومعلش انا هرمونات الحمل تعباني واعتذرتله بعدها لقيت مراته عملالي بلوك قولت براحتها بس بقابلها عادي بسلم وكان مفيش حاجة ولما ولدت ولا باركتلي ولا جتلي ولا بالتليفون قولت براحتها دلوقتي حامل تاني بردو بتشوفني ولا بتباركلي ولا اي حاجة مش عارفة هو لو حد فيكوا مكاني هيفهم ايه من البوست دة وهيزعل ولا لا ممكن انا غلطت فعلا عشان اديت الموضوع اكبر من حجمه لكن أنا بردو تضايقت عشان كانوا فاكرني مخبية وبردو اخوية قالي أنها كانت زعلانة عشان روحت لاهل ماما جنبهم ومطلعتش عندهم وانا كانت رجلي وارمة ومش قادرة فعلا وجوزي كان مستعجل فقالي ماهي وهي حامل جتلك باركتلك في الفرح وطلعت السلم وعادي قولتله كتر خيرها بس الفرح مرة واحدة في العمر لكن ربنا يديني العمر واجيلكم دايما .. وغير كدة مانا بروح لاهل ماما من زمان عمرها ما اتصلت وقالت تعالي اقعدي معانا أو نزلت هي وجت قعدت معانا اشمعنا المرة دي زعلانة وانا فعلا مكنتش قادرة بس هما فهموها اني مرضتش اطلع عشان كان عندها كورونا وانا خايفة علي نفسي وبردو دة مش صح فمش عارفة اعمل ايه معاهم وانا غلطانة في حاجة ولا لا وهما لحد دلوقتي فاهمين غلط ومش بيعاملوني طبيعي كأنهم هما اللي زعلانين .. فاتعامل ازاي معاها انا في حالي وبقصر وخلاص”.
رد مولاتي
ويرد خبراء الصحة النفسية بالآتي:
لا ياسيدتي انتي لم تخطأي حتى وإن اردتي الاحتفاظ بنوع الجنين لنفسك، فكل شخص وله شأنه الخاص.
أما عن زوجة أخيك فدعي الزمان يصلح ما بينكم، ولا تحزني للفراق، فالتعامل مع ذلك النوع مع الأشخاص دائمي الخصام لأتفه الأسباب مرهق للغاية، لذا فحافظي على المسافة الودودة بينكم من أجل علاقتك بأخيك في المقام الأول.
