فتش عن المراة ..سيدة تطلب الخلع بسبب “الموبايل”
كتب -أسماء سرور
رفعت السيدة” نورهان” 38 سنة على زوجها دعوى خلع بسبب منعه لها حمل موبايل جديد .
وقفت نورهان أمام المحكمة، وقالت:” أنا متجوزة من 18سنة وعندى اكبر ولد عندى شاب مانعنى ومانع أى حد من ولادى نمسك تليفون حديث مع أنه متعلم تعليم كويس وحالتنا المادية مرتاحة مصمم نمسك تليفونات قديمة” .
وأضافت نورهان:” أكتر من مرة أهلى يجيبو لينا تليفونات هدية لأنها مسافرين برة كان بيرفضها ويصمم يرجعها تانى ويحلف عليا بالطلاق ،الوسيلة الوحيدة لكلامى مع أهلى من خلال تليفونه هو لما يرجع من الشغل وبيكون بوقت محدد “.
استكملت:” غضبت كتير وزهقت من حياتى ولكن كنت برجع عشان ولادى ،أخر حاجة ابنى الكبير صمم يجيب تليفون وخالته فعلا جابتله واحد هو رجع شاف الولد ماسكه اتجنن ونزل ضرب فيه كأنه عدوه مش أبنه وكسر الموبايل وكسر دراع ابنى ساعتها عرفت أن الخياة مش هينفع تكمل غضبت وطلبت الطلاق جالى البيت وقال هتعملى الحركات دى زى مل مرة وهترجعى تانى،ابنى صعبان عليا وحياتى كلها صعبانة عليا وقررت أرفع خلع واخلص من العلاقة دى” .
وقبلت المحكمة الدعوى ولم تصدر حكمها حتى الآن .
