في رسالة لمولاتي..سيدة تشتكي:”زوجي نرجسي ومؤذي حتى الموت”
كتب- ندى الجبالي
“انا تعبانه نفسيا مدمره حرفيًا ومبقتش عارفه اتعايش ولا اخد بالى من ولادى ولا بيتى ولا نفسى”، بدأت صاحبة تلك الرسالة شكواها إلى بريد مولاتي بتلك الملمات التي تدمي القلب، طالبة النصح والمشورة من القراء الأعزاء.
نص الرسالة
قالت:”انا عايشه مع زوج نرجسى مؤذى لدرجه الموت مقصر ف كل حاجه ودايما قالب الطربيزه عليا وبيقلل منى وانى انا المشكله بقالى 14سنه بحاول اتأقلم مش عارفة، والجديد ال اكتشفته أنه يعرف ستات من قبل حتى الجواز ولسه مستمر ومكنش عندى علم باى حاجه لان النقطه دى بالاخص كنت بثق فيه مليون الميه عشان دايما موصلى فكره أنه مش بيحب الستات ف العموم وأنه متجوز بس عشان يخلف انا دلوقت مش عارفه اتخطى ال بيحصل ده وصدمتى فيه كأنى معرفوش، وانا عاوزه افوق لولادى واكون قويه نفسى اوى اكون شديده وقويه محتاجه مساعدتكم جدا”.
طلب النصيحة
وتابعت:”انصحوني حد حكيم أو حد مر بنفس التجربه اقسم بالله بموت بالبطئ وفكره ف الانفصال لكن مش قادره ع القرار خصوصا انى معنديش دخل ولا حد يقف قصاده . وادعولى بالله عليكم”.
رد مولاتي
اولًا.. كوني قويه لنفسك ولأولادك قبل كل شيء فهم نتاج 14 عام من المعاناة.. وحاولي لنفسك أولًا ان تحصلي على أي دخل، فأموالك هي ما ستسند ظهرك.
وإن نجحت الخطة ووجدت ان التأقلم مع ذلك الزوج مستحيلًا فقد أقر لك الخالق باب خلفي تستطعين النجاه عبره متى تشائين.
