قبل العيد..نصايح وحيل تسهل عملية تنظيف المنزل

تنظيف عيد الفطر محتاج شوية تركيز خصوصًا في الحاجات اللي بتكون مبقعة زي المفارش، والسجاد، والحيطان، والستاير.

يقدم موقع مولاتي نصايح وحيل تسهل عملية تنظيف المنزل كالآتي:

1. إزالة بقع المفارش والستائر

بقع الزيت والأكل، افركي البقعة بشوية صابون أطباق مخفف بالمياه الدافئة، وبعدها اغسليها عادي.

البقع الصفراء من العرق أو التخزين، انقعيها في مياه دافئة مع بيكنج صودا أو خليط من الخل الأبيض والمياه لمدة ساعة قبل الغسيل.

بقع الحبر،  جربي الكحول الطبي أو معجون الأسنان، افركي بخفة وبعدها اشطفي بالمياه.

بقع القهوة والشاي:ط،  اسكبي عليها شوية مياه غازية سفن أب أو بيبسي وبعدها اغسليها عادي.

2. تنظيف السجاد والمفروشات

البقع العادية،  اخلطي مياه دافئة مع شوية خل أبيض وسائل تنظيف، وامسحيها بفرشاة ناعمة.

بقع الشوكولاتة، اكشطيها الأول بسكينة، وبعدها حطي شوية صابون أطباق مع المياه الدافئة وامسحيها بقطعة قماش.

بقع الطين أو التراب، سيبيها تنشف خالص، وبعدين اكشطيها وامسحيها بخل ومياه دافئة.

رائحة السجاد، رشي بيكنج صودا على السجاد وسيبيه ساعة، وبعدها اكنسيه كويس.

3. تنظيف الحيطان وإزالة البقع

علامات الأيدي والأقلام،  امسحيها بممحاة سحرية أو جربي خليط البيكنج صودا والمياه.

البقع الدهنية،  استخدمي خليط من الخل والمياه أو صابون الأطباق والمياه الدافئة.

بقع الألوان والشخبطة،  معجون الأسنان العادي بيفرق، افركيه على البقعة بقطعة قماش مبلولة.

4. تنظيف النتيجة  من الحبر أو اللزق القديم

الحبر أو الكتابة،  جربي مسحها بمزيل المناكير (الأسيتون) أو بالكحول الطبي.

اللزق أو العلامات اللاصقة، امسحيها بزيت الطهي، سيبيه دقيقتين، وبعدها امسحي بقطعة قماش نظيفة.

نصيحة ذهبية: جربي أي طريقة على حتة صغيرة الأول عشان تتأكدي إنها مش هتبهدل الحاجة أكتر.

قولي لينا إيه أكتر حاجة بتتعبك في التنضيف؟