محكمة الأسرة ..سيدة تخلع زوجها بسبب “الغيرة”

كتب -أسماء سرور

رفعت السيدة “نادية .ع” 26 سنة دعوى خلع على زوجها بسبب الغيرة من سلفتها .

وقفت نادية أمام محكمة الأسرة وقالت:” أنا متزوجة من 3 سنين شوفت فيهم مرار وتعب وحرقة دم لدرجة إنى أجلت الخلفة وجوزى كان فرحان بكدة ومفكرش مرة يطلب منى اننا نجيب طفل ،كان دايما متعلق بسلفتى هى نفس سنى ولمن متجوزة قبلى بسنتين من أخوه الكبير”.

وأضافت:” كنت الأول فاكرة علاقته بسلفتى علاقة اخوة لأنها بنت خالته وكنت بكبر دماغى من حاجات كتير لحد ما اكتشفت انهم كانو بيحبو بعض ولكن أخوه اتقدم وأبوها وافق ومكنش قدامهم حل غير أنها تتجوز أخوه عشان تكون قدامه فى نفس البيت وحماتى عارفة الموضوع دة وكتير اتكلمت أنه ياخد باله من بيته ومنى ولكن هو كان فى عالم تانى” .

واستكملت:”نادية اخوه الكبير مسافر ودايما بيوصى جوزى على مراته وكان بيأمنه عليها لأنه أخوه وهيخاف عليها وطبعا ميعرفش أن الموضوع غير كدة خالص ،طلبت من جوزى عشان نكمل فى حياتنا نخرج من البيت ونبعد عن كل العك دة رفض وقال فى وشى هى قبل منك هنا طبعا اتجننت وطلبت الطلاق رفض عشان المؤخر كبير لجأت للخلع”.

وحكمت المحكمة بالخلع والطلاق طلقة بائنة .