مشاجرة زوجية .. من المخطئ؟.. سيدة تسأل
كتب- سارة منصور
“هل سب الرجل لزوجته يُسقط عنها الخطأ عند الرد.. هل العين بالعين والسن بالسن في العلاقات الزوجية، هل يضيع الرجل حق قوامته بإهانة زوجته؟”.. اسئلة شائكة وكثيرة وكلها تقع في نطاق المشكلة سيدة تشتكي لمولاتي.
تقول السيدة “م.ي “:”عاوزة كلمه الحق حتي لو انا الي غلطانه، ودلوقتي انا وجوزى كنا عند حماتي وكنت بتكلم معاها علي الواتس وشدينا مع بعض في الكلام راح قام وشتمني وانا روحت رديت عليه بنفس الشتيمه راح ضربني بالقلم جامد”.
وتستكمل: “فاانا بصراحه اتعميت وقتها من غضبي وضربته نفس القلم .. والدنيا قامت وامه بقيت تحوش بينا وبقي يشتمني بااهلي وانا بقيت اشتمه نفس الشتايم بصراحه ومسك ازازه ميه بلاستيك وضربني بيها وانا حدفته بشبشب لان كل ده وانا قاعده علي كنبه وامه قودامي بتحوش بينا وهو واقف، مع العلم اني حامل “.
وتضيف: “قرايبه ساكنين تحتينا طلعو علي الصوت وسابو كل ده وقالولي مافيش حد بيشتم جوزه كده عيب ازاي تقوليله يا خ.. .. قولتلهم يعني انتو سايبنه يقول كل ده ولما رديت الغلط بقيت انا الغلطانة”.
وتختتم: “طبعا ماينفعش الست ترد والمفروض يتغلط فيها وتتهان وتسكت … مع للعلم ان اهلي مش بيكلموه نهائي وكل واحد في حاله”.
نصيحة مولاتي
بالتأكيد انتي مخطئة، والخطأ قد طال الجميع، و لا ينكر أو يمنع أن زوجك أخطأ أيضًا، والعلاقة نفسها فقدت أبعاد الاحترام والقوامة التي هي عماد لكل العلاقات.
ولأن مجتمعنا اعتاد على سب المرأة وأهانتها، فلم يروا خطأ الجانب الآخر، وتمسكوا بالأعراف التي لا تسمح للمرأة بالنجاوز في حق الطرف الأخر.
راجعي نفسك وحافظي علي شكل سليم للعلاقة، بشكل يليق بأسرتك وبأبنك القادم.
