منفصلة وعندي ولد وعاوزة أطفش.. ساعدوني في حيرتي

كتب- سارة منصور

احيانًا يدفعنا الشعور بعدم الراحة وعدم الاستقرار إلى اتخاذ قرارات متهورة في غير آوانها، ودون الإعداد لها جيدًا، فهل لو اختلفت الظروف كنا سنتخذ ذات القررات.. مشكلة محيرة ترويها “ص” راغبة في الرد من مولاتي وقرائه الأعزاء.

تقول ص.أ “لو سمحتوا محتاجه رائيكم ضروري جداً لاني لوحدي وحقيقي مش عارفه اتصرف، دلوقتي انا منفصله وعندي 27 سنه ومعايا ولد وقاعده ف بيت اهلي واحنا من قريه وانا بشتغل وشغلي فالمُحافظه نفسها”.

وتضيف “طبعاً البيت دايماً فيه مشاكل وخصوصاً مع مرات اخويا والعيال وكده وحتي امي وابويا مُعاملتهم للولد مش احسن حاجة، وانا مطلعتش غير بيه من الدنيا ونفسي ربنا يُقر عيني بيه واشوفه احسن الناس خصوصاً ان ابوه رميه ومبيسألش عنه نهائي وحتي النفقة اخدتها بالمحكمه”.

وتستكمل “دلوقتي انا نفسي ربنا يكرمني واشتري شقه فالمحافظه بس طبعا هما هيرفضوا جداً فكرة اني اروح اقعد فيها دلوقتي ولوحدي والولد لسه عنده 3سنين، انا معايا حوالي 80جرام دهب، وفي قدامي شقه 55 متر بس ف مكان كويس ف المحافظة، معروضه عليا ب 270 الف، وفيه وحد شغال ف الدهب قالي ان اخر السنه الدهب هيوصل ل5الاف، السؤال بقي ابيع دلوقتي واشتري الشقه اللي قدامي، ولا استني بما اني مش هعرف اروح اقعد فيها”.

رد مولاتي

سأجيب عليكي من نطاق تجاربي المحدودة في هذا المجال، أولًا الشقة صغيرة جدًا وغير مناسبة بالطبع لأي نشاط من أنشطة الحياه إذا كنتي تبغين راحتك.

أرى أن تنتظري حتي تجمعي مبلغ أكبر، وتجدي الفرصة المناسبة، أو تلجأي لأي نظام من نظام التقسيط.

ومن كلماتك أدركت أنك لن تخبري أحد من حولك لذا عليك الاستعانة بمحامي جيد والسؤال عن العقار المنشود وتسجيله بالطبع حتى وإن تطلب الأمر نقودًا اكثر، فأما أن تسجلسي الشقة في الشهر العقار وإما صحة نفاذ، ولا تقومي أبًدًا بإجراء صحة توقيع وحدها، لأنك كما تقولين وحدك وستواجهي الكثير من الصعاب.