من بريد مولاتي.. سيدة:”غلطت مع جوزي وحماتي فضحتني”
كتب- ندى الجبالي
في مجتمعاتنا الشرقية، ينصبون المحاكم للنساء ويتناسون أو يغفلون ما قام به الرجال، حتى وأن كانت اخطائهم أكبر وأفعالهم تحتاج للوعظ والمحاسبة.
ومن جابنهل، تقول صاحبة المشكلة: “انا متجوزه من شهر وانا غلطت قبل ما أتجوز وربنا يسامحني بس كان مكتوب كتابي وعرفت بحملي بعد الجواز با أسبوع بس مقولتش لحد عرفت اننا حامل في شهر واسبوع، حماتي من كام يوم كانت عندي وبوريها حاجه علي التليفون وقلبت فيه شافت وانا عامله لجوزي مفاجاه ومصوراه وكان جايب تورته وحاجات ومصورني”.
وتضيف: ” عملت نفسها فرحانه ومبروك وعرفتي امتي قولتلها من يومين فضلت تهزر امبارح كنت عندها خلتني قدام اخواته الرجاله الاتنين وقدام اخته الي قدي وقدامه يعني هو مغلطتش معاكي قولتله لا فضلت صوتها يعلي وقالتلي لا غلط معاكي جوزي فضل يزعق ومسكني قالي قومي يلا فضلت تقول ماهو لازم يغلط معاكي ماانتي كنتي مسرمحه معاه هنا وهنا”.
وتتابع: ” ماانتي امك وابوكي ميتين انا حسيت اننا هموت شدني وروحنا انا من امبارح مش مبطله عياط ونزل عليا دم ومش قادره اتحرك انا صعبان عليا نفسي اوي صعبان عليا في كل حاجه نفسي ارتاح اوي يابنات انا شوفت حاجات كتير وحشه ادعولي بالله عليكم”.
رد مولاتي
بارك الله في حملك وثبته ورزقك بالذرية الصالحة، اما عن حماتك فلك ان تغضبي وتتخذي كل دفاعاتك..اتصلي باخيه الأكبر وقوليله والدتك غلطت في شرفي وعرضي وساختصمها امام مجلس عرفي، وليس لها مني أي التزام أو حق.
وزوجك من أخطأ في حقك، ولكنه اصلح بالزواج فكوني له ستر وستار واحتويه فهو وطفلك كل امانك في الدنيا .
ولا تتنازلي ابدا او تتسامحي بحق تلك الكلمات وإلا ستبقي طوال حياتك لقمة في فم كل عابر .
