من داخل محكمة الأسرة.. سيدة تخلع زوجها بسبب “رفض الإنفاق”
كتب-أسماء سرور
“عنده استعداد يصرف كل الفلوس على أهله ولكن أنا وعياله أقل حقوقنا ممنوع”، هكذا ذكرت سبب الخلع أمام محكمة الأسرة ياترى إية الحكاية.
المساعدة للزواج
وقفت ألاء أمام محكمة الأسرة وقالت”أنا كنت بحب جوزى جدا قبل الجواز لدرجة إنى أنا اللى طلبت منه يخطبنى وهو قعد فترة لحد ما جه صارحنى أنه ميقدرش يفتح بيت ويصرف مع أن مرتبنا عالى ولكنى من حبى فيه وافقت وعملنا جمعية فى الشغل عشان نقدر نتجوز بسرعة.
أضافت ألاء “كانت غلطتى إنى كنت بساعده ومش بعرف أهلة وهو كان مش فارق معاه المهم أنى مطلبش منه أى طلبات وساعدته لحد ما اتجوزنا وكنت فاكرة إنى بحقق حلمى.
رفض الإنفاق
تابعت ألاء كلامها وقالت” بعد الزواج كنت بصرف كل فلوسى فى البيت عشان أغطى المصاريف ومعرفش هو بيصرف فلوسه فين وكل ما كنت أسال كان يراوغ فى الكلام وبسكت عشان المشاكل”.
أكملت ألاء وقالت”ولدت توأم واضطريت انى أسيب الشغل رفض أنه يصرف علينا ولما روحت أشتكى لأهله كانوا فى صفه واتأكدت من كلامهم أنه بيصرف عليهم وبيستخسر فيا أنا والعيال، عشان كدة قررت أخلعه طالما انا اللي شايلة كل مصاريفهم.
قبلت المحكمه الدعوى ولم تصدر حكمها حتى الأن.
