من داخل محكمة الأسرة..سيدة تطلب الخلع بسبب “أنانية زوجها”

كتب -أسماء سرور

“عمره ما فكر يخرجنى غير لما اتخانق معاه ولا بيقولى كلمة حلوة”،  هكذا بدأت كلامها “أمانى.32سنة” أمام محكمة الأسرة خلال دعواها على زوجها.

الأحلام الوردية

بصدمة وحزن شديد تحكى أمانى قصة حبها مع زوجها وقالت”أنا وجوزى كنا فى الكلية مع بعض وبنحب بعض أوى وعمرنا ما اتفرقنا وكان أحلى كلام وأحلى هدايا بيجيبها ليا وخلصنا كلية اشتغلنا مع بعض فى نفس الشركة وهو سافر عشان يجهز نفسه وأنا كملت فى مصر وبعدها اتخطبنا لمدة سنة ونزل اتجوزنا، وكنت ملاحظة أنه اتغير عن الأول ولكن كان دايما يقول من الغربة والتعب اللى هو فيه كنت بعذره من الضغوط والمصاريف والجواز”.

المعاملة الجافة

أكملت أمانى بحزن وقالت:” اتجوزنا وأنا كنت حاسة إنى ملكت الدنيا كلها أخيرا اتجمعنا فى بيت واحد بعدها هو سافر لوحده وأنا روحت ليه بعدها بمدة وكان لسه متغير اول ما بيسافر،قولت مش مشكلة أكيد تعبان وعدت الشهور واحنا حالنا بيسوء أكتر لدرجة أن من كتر المشاكل نزلت مصر وهو بعدها حصلت ظروف ونزل هو كمان،أنا كنت كل ما اتكلم معاه اقوله محتاجة تحس بيا يقولى بلاش كلام فاضى اقوله فين الحب بتاع زمان يرد يقول زمان بقى،قعد يضغط عليا لحد ما انفجرت فى وشه وطلبت الطلاق،رفض وقال هيتغير قولتله أن من يوم ما اتجوزنا عمرك ما خرجتنى ولا قولتلى كلمة حلوة أحس بيها إنى لسه انثى معلقش على كلامى ولكنه فضل على نفس الوضع يروح الشغل ويرجع يقعد فى البيت لا بنخرج ولا بنتكلم قاعدين زى الأموات لدرجة أن ابنى أتاخر فى الكلام بسبب كدة،عرفت إنى بضيع عمرى مع شخص أنانى عمره ما هيقدرنى،ورفعت الخلع بسبب عدم قدرتى النفسية إنى اتحمل العيشة معاه.

قبلت المحكمة الدعوى ولم تصدر حكمها حتى الآن.