من داخل محكمة الأسرة..سيدة فى دعوى الخلع:”يريد أن يزوج أخته وانا اشتغل مربية”

كتب -أسماء سرور

“عاوزنى اشتغل مربية لأولاد أخته وهيا تعيش حياتها وتتجوز”، هكذا بدأت رقية البالغة من العمر 25 سنة كلامها داخل محكمة الأسرة..ياترى إية الحكاية؟.

بيت العيلة

وقفت رقية فى محكمة الاسرة وقالت:” انا متجوزة من 4 سنين. وعندى 3 أطفال منهم توأم وشايفة معاهم العذاب،على الرغم من كدة عايشة فى بيت عيلة ولازم اخدم حماتى وبنتها والوضع صعب جدا وأنا كنت بسكت وبخدم وأنا تعبانة مقدرش أتكلم”.

واكملت رقية كلامها وقالت:” من بداية جوازنا وحماتى بتدخل وتتحكم فى نزولى وخروجى وبتحكم عليا فى كل شئ،الوضع زاد سوء لما أخت جوزى أطلقت ومن وقتها وحماتى بتستكر عليا حياتى وجوزى وشايفة أن بنتها كانت أولى تعيش احسن منى”.

زواج أخت الزوج

تابعت رقية كلامها وقالت:” بعد طلاق أخت جوزى بفترة بدأ يتقدم ليها العرسان ومكنش فى نصيب منهم بيقبلوا بأولادها ومنهم لا،لحد ما جت مرة وقالت زميلها فى الشغل عاوزها زوجة تانية والشرط أنها تكون بدون الاولاد وهى موافقة،الكلام نزل عليا كالصدمة ولكن متكلمتش وقتها”.

أضافت رقية: “بدأت التجهيز للجواز ولما سألت حماتى العيال مين هيشيلهم قالت أخوها اللى هو معناه انا قولتلها ازاى ياماما العيال صعبة وأكيد محتاجين أمهم وأنا معايا 3 كفاية عليا،الدنيا قامت واتفاجئت بجوزى بيقولى أنا قولت لأمى واتفقت معاها لو مش هتخدمى العيال هتجوز واجيب واحدة تخدمهم،رفضت الوضع كلها وقررت الطلاق رفض تماما،لجأت للخلع.

وقبلت المحكمة الدعوى ولم تصدر حكمها حتى الآن.