من دفتر أحوال المرأة ..خمسينية تخلع زوجها بسبب “الخدمة”

كتب -أسماء سرور

رفعت السيدة:” كريمة .م”51 سنة دعوى خلع على زوجها بسبب طلباته الكثيرة والتى لا تقدر على تنفيذها.

وقفت السيدة كريمة أمام المحكمة وقالت:” أنا متجوزة من 4 سنين ودة الزواج الثانى اتجوزت بعد محايلات كتير من بناتى إنى أخد واحد أتونس بيه عشان هما اتجوزوا وسافروا بره وقالوا بلاش أعيش لوحدى وافقت عليه بعد ما كنت أرملة لمدة عشرين سنة وكنت عايشة لبناتى وخلاص”.

وأضافت:أتجوزت وأختارته كبير لأنه سنه 60 سنة اتفاجئت أن طبعه صعب وطلباته كتير وأنا مفيش صحة أنى أقدر أعمل كدة ،طلع عنده وسواس نظافة بيطلب منى أمسح الشقة كل يوم وبيقعد يدور على الحاجات الناقصة ويعمل مشاكل تافهة عليها بالإضافة لمرضه وأنا بساعده ياخد العلاج وبروح معاه للدكاترة ولكن تعبت من الحياة دى ،طلبت أكتر من مرة يخف الطلبات عليا ممكن يقعد يومين ويرجع تانى لطبعه الشديد ،غيرته صعبة جدا حتى من بناتى مش بحب إنى أكلمهم ولما واحدة منهم نزلت إجازة رفض أرجع شقتى أقعد معاها كام يوم ساعتها كان فاض بيا قولتله هروح لبنتى وهقعد معاها رفض طلبت الطلاق منه ورفض لأنه بيحبنى ،فكرت كتير فى الوقت اللى رجعت فيه شقتة وقررت أختار راحتى وأطلب الخلع”. .

حكمت المحكمة بالخلع والطلاق طلقة بائنة.