من محكمة الأسرة..سيدة فى دعوى طلاقها: “حماتى مصممة تاخد مواسم من أهلى”

كتب -أسماء سرور

“حماتى مصممة أن اهلى يجيبوا مواسم ليها مع الغلاء اللى احنا فيه” دة كان بداية كلام مروة.27 سنة داخل محكمة الأسرة..تعالوا نعرف الحكاية.

الإتفاق

وقفت مروة أمام محكمة الأسرة وقالت ” انا متجوزة من 7 سنين حماتى شافتنى فى فرح وجت تسأل عنى وعرفت إنى كنت فى أخر سنة فى الدبلوم اتقدمت وقالت أن ابنها مسافر بره وهنشوف بعض على الإنترنت والإتفاق أن الجواز بعد سنتين،أهلى وافقوا وقالوا أنه مرتاح ماديا هو وأهله وأن كدة أفضل لينا عشان ميدخلش عندنا كتير”.

تابعت مروة حكايتها وقالت” حماتى كانت شخصية متحكمة جدا خلال السنتين خطوبة كانت بتيجى عندنا وتقعد تسأل عن كل تفاصيل الجهاز والماركات وبتطلب الأنواع بالأسم ودى كانت إشارة مخدتش بالى منها”.

طلب المواسم

اكملت مروة وقالت” نزل جوزى وتمم الجواز وكان حاجز لينا اسبوع فى الغردقة واتفاجئت بحماتى جت معانا وهو بيقول أنه محبش يكسر بخاطرها وقال تتفسح معانا عشان هيا وحشته الفترة اللى فاتت سكت وعديت الموضوع.

وأضافت مروة” خلال 7 سنوات كانت حماتى بتطلب المواسم وكان الموسم اللى بيروح ليها تبعت لبناتها منه وأنا كان بيتحرق دمى ولما كنت بشتكى كان بيقول دة نظام البلد ودة حق أمى لحد ما الدنيا بقت غالية وأهلى مقدروش يجيبوا الموسم ليها طردتنى من البيت ورفضت دخولى شقتى ولما اتصلت بيه قال أمى تعمل اللى هيا عوزاه طلبت الطلاق رد بالحرف وقال لو أمى قالت هطلق،لجأت للقانون يطلقنى منه عشان تعبت.

قبلت المحكمة الدعوى ولم تصدر حكمها حتى الآن