من هو صاحب واقعه الصفعة من المطرب عمرو دياب.. وماذا قال؟.. تفاصيل
كتب- ندى أشرف
تعاطف كبير كسبه الشاب الذي صفعه المطرب عمرو دياب، على مواقع التواصل الاجتماعي، بعد واقعه صفعه على وجهه لكي يلتقط فقط صورة سيلفي معه.
ويبحث الكثير عن هوية الشاب صاحب واقعه الصفعة من المطرب عمرو دياب.
هو سعد أسامة، شاب من مواليد محافظة الأقصر، مقيم في القاهرة، كان من احدى المعازيم في فرح ابنة المنتج محمد السعدي.
تفاجأ سعد أسامة، بصفع عمرو دياب له، مما جعله لم يأخذ ردة فعل في نفس الوقت بعد صفعه، ولكنه عندما أدرك ما حدث توجه أسامة إلى إدارة الفندق الذي أقيم فيه حفل الزفاف، لتقديم شكوى ضد الهضبة، ولكن إدارة الفندق لم تتقبل شكواه، ولم يهتموا بالأمر.
أبرز تصريحات سعد أسامة صاحب واقعة صفع عمرو دياب
صرح الشاب محمد سعد أسامة، صاحب واقعة الصفع من عمرو دياب في أول ظهور له قائلا:”أنا حزين جدا أنا واحد معجب كنت عاوز اتصور معاه مش أكتر من كدة.. الحركة اللي حصلت منه مش لطيفة خالص ولا تليق بواحد تفكيره زي عمرو دياب”.
وأضاف سعد:” الناس كلها بتتصور معاك مين اللي بينجحك؟ احنا اللي بنخليك تريند.. مين اللي طلعك فوق وحققلك مشاهدة؟ احنا اللي بندي قيمة للواحد.. أنا مش بشحت منك ولا بقولك هات حاجة لله.. أنا بحبك وعاوز اتصور معاك والتليفون أنا كنت رافعة عشان معطلوش وكنت مستني الشغل أما يخلص اتفاجئت أنه اداني بالقلم على وشي”.
وتابع: “عاوز أمسح الفيديو باي شكل الواحد خجلان من الموقف، أنا محرج وسط أصحابي.. موقف مش لطيف أنا دلوقتي رايح أشتكيه في النقابة الأول وأشوف أي اجراء رسمي عشان أعوض حقي في اللي حصل”.
وعن الحديث حول سبب شده لملابس عمرو دياب قال:”أنا مقرصتوش أنا كنت بحسسه أن في حد واقف جنبه عاوز يتصور معاه مش أكتر من كدة.. حطيت ايدي على ضهره عادي، أنا بحبه جدا مش بغرض أي شيء آخر لكن اتفاجئت برد الفعل”.
وقد اجتاحت مواقع التواصل الاجتماعي حالة غضب من المطرب عمرو دياب؛ على خلفية صفعه شابا سعى لالتقاط صورة “سيلفي” معه في حفل زفاف أقيم مساء أمس.
