نجوى فؤاد تفتح النار على الراقصات الأجانب: ابتذال وعري يخالف مجتمعنا
كتب- ندى أشرف
بعد غياب عن شاشات التلفزيون، ظهرت النجمة الكبيرة نجوى فؤاد، في برنامج “شاي بالياسمين” الذي تقدمه ياسمين الخطيب عبر شاشة “النهار”، وتحدثت عن حياتها الفنية والشخصية ورأيها في راقصات الجيل الحالي، الأمر الذي جعلها تتصدر ترند جوجل على الفور.
نجوى فؤاد تتصدر الترند
حيث أثارت تصريحات نجوى فؤاد حول رأيها عن راقصات الجيل الحالي واعتراضها على جرأة بدل الرقص المتواجدة الآن، الجدل على مواقع التواصل الاجتماعي.
رأي نجوى فؤاد في راقصات الجيل الحالي: زي فراخ الجمعية
وعبرت نجوى فؤاد عن رأيها في راقصات الجيل الحالي، قائلة: ” أحب رقص لوسي ودينا، فيفي تطلع على المسرح تشدك، عندها كاريزما، كل واحدة فيهن لها لون وطريقة، وكلنا كنا مختلفين عن بعض وكلنا ناجحين، حاليا الموجودات أوكرانيات وقلت من قبل أنهن زي فراخ الجمعية، بيتلووا جامد وشكلهم جميل وبيمرنوا نفسهم وبيصرفوا على بدلهم مع أنها بدل عارية وأنا ضدها بس رقصهم مش بيعجبني”.
هجوم على بدل رقص الاجانب
وأضافت: “زمان أول ما بدأ الرقص كان بلبس عربي البدوي والتوب والتلي الصعيدي اليدوي، مكنش في بدلة رقص، بدل دلوقتي بتاعت بكيني بتاعت شاطيء مش راضية عنها، لا ديننا ولا تقاليدنا ولا عاداتنا كدة”.
نجوى فؤاد: اشتغلت رقاصة عشان الفلوس ومكانش زمان عندنا وعي
واستكملت: ” زمان مكنش عندي وعي السنين دي كلها، ولو رجع بي الزمن مش هلبس بدلة رقص، أنا كنت عايزة اشتغل اي شغلانة عشان مكنش معايا فلوس، كنت عايزة فلوس، ولو رجع بي الزمن معملش دا كله، إغراء وجلب المادة”.
افراح الجيل الحالي
وأعربت نجوى فؤاد عن استيائها مما تشاهده على منصات السوشيال ميديا وأفراح الجيل الحالي قائلة: “الآن في الأفراح والمناسبات بنات العائلات بيرقصن بطرق مبتذلة، والملابس ابتذال ثم ابتذال ثم ابتذالات”.
