ندى في دعوى خلع: قتل أبني بأهماله ومش هقدر أغفر له

كتب -أسماء سرور

توجهت” ندا.24 سنة” إلى محكمة الأسرة تطلب الخلع لاستحالة الحياة مع زوجها بعد وفاة ابنها..تعالوا نعرف القصة.

حياة سعيدة

وقفت ندا بعيون ذابلة ووجه شاحب أمام محكمة الأسرة وقالت” أنا متجوزة من سنتين عن قصة حب قبلها 4 سنين وبحب جوزى وبيتى وكنا أسرة سعيدة وحياتنا بقت أحلى كمان لما عرفنا إنى حامل أخيرا هنبقى اسرة وهيبقى عندنا أطفال وجوزى كان بيخاف عليا جدا حتى إنى أخرج او أعمل حاجة فى البيت.

وأكملت ندا وقالت” جوزى كان بيدلعنى وبيظهر حبه ليا قدام الكل وانا كنت سعيدة بحبه ليا وفعلا ربنا كرمنا وجبت أحلى ولد فى الدنيا وعملنا عقيقة كبيرة وكنت بخاف عليه من الهوا الطاير.

الصدمة

توقفت ندا عن البكاء وقالت ” حياتى وقفت فى لحظة ما سمعت أن ابنى خلاص مات ودة بسبب جوزى يمكن غصب عنه ولكن أنا مش قادرة أكمل معاه تانى مش قادرة اتخيل أنه سبب فى وفاة جزء منى ومش قادرة اتخطى وفاة ابنى”.

وتابعت ندا ” أنا نزلت اشوف حماتى وعرفت جوزى أن الولد نايم يخلى باله منه لأن حماتى ست مريضة وكنت بساعدها، ابنى صحى وعشان هو مش عاوز يقعد بيه حطه فى البانيو والولد غرق ومات حسيت قلبى وقف من الصدمة وهو مكنش مصدق أن دة حصل ولكنها إرادة ربنا، طلبت الطلاق رفض بكل الطرق ومصمم أننا نكمل وانا مش قادرة اعيش معاه وبطلب الخلع منه”.

وقبلت المحكمة الدعوى ولم تصدر حكمها حتى الآن.