هالة صدقي تتصدر جوجل.. ماذا قالت عن حبيبها المجهول؟

رقية عيسى

تصدرت الفنانة هالة صدقي، اليوم، مؤشر البحث على جوجل، وذلك بسبب تصريحاتها الساعات الماضية ببرنامج “بودكاست بيج تايم” مع الاعلامى عمرو أديب عن حياتها الشخصية والعملية.

حبيب هالة صدقي المجنون

وتحدثت الفنانة هالة صدقي لاول مرة عن حكاية حبيبها المجهول قائلة: “كنت وقت الامتحانات أصحى أقعد أذاكر الصبح بدري في البلكونة، وكان في عمارات جنبي ألاقي نور البلكونة مفتوح ناس تانية بتذاكر، وكان في راجل كبير في الدور الرابع قاعد هو كمان”.

وفاة بسبب نزلة بدر

وتابعت الفنانة: ” كان بيجيلي جوابات غرامية بيحطها في البوسطة وأنا مش عارفة من مين، كلها ليه بتصحي بدري أوي كده الدنيا برد عليكي، بعدها اكتشفت أنه ده جد صاحبتي اللي بيبقى قاعد في البلكونة، وبعدها مات جاله نزلة برد لأنه كان بيقعد الصبح بدري في البلكونة”.

اول قصة حب

وعن أول قصة حب قالت هالة صدقى : “أول قصة حب كانت مع شاب معايا في النادي، كانت قصة حلوة وأنا كنت صغيرة وجه اتقدملي لكن طبعا منفعش لاختلاف الديانة وحبيته لكن كان صعب المجتمع بتاعنا أنا وهو مكنش ينفع، كان بيجي يعدي تحت العمارة ويقف وأنا قاعدة في البلكونة بذاكر عشان يشوفني، هو كان رياضي وأنا رياضية وكان الفرق بتقعد مع بعض في النادي واتعرفنا”.

اعتزال هالة صدقي

وعن اعتزالها التمثيل قالت هالة صدقى : “مدية نفسي 3 أو 4 سنين شغل بالكتير وعايزة أتقاعد بعد كده، لأني بشتغل من وأنا عندي 18 سنة فأنا ماستمتعتش بحياتي، محتاجة أستمتع”.