هل ضيق ذات الحال طريق لخراب المنزل؟.. عضوة تطلب المشورة من مولاتي
كتب-سارة منصور
أرسلت سيدة لموقع «مولاتي» مشكلتها الشخصية ملتمسة الرد.
تقول السيدة “ش.م”هو انا لو عايزة اسيـب جوزي لظروف مادية و هو محترم و كويس و كان بيعمل الي عليه لكن الدنيا لطـشت معاه مش قادرة استحمل العيشة معاه قاعد من الشغل بقاله فترة و بيشتغل اي شغل و خلاص و مستوانا قل جدا هو بيعمل الي عليه و بيبكي علي حالة من قلة مفيش لكن انا مش قادرة استحمل و اضحك علي نفسي و الاولاد بعت عربيتي و بصرف من فلوسي و هو رافض الانفصال لانه متمسك بيا جدا و انا بفكر في الخــلع بشكل جدي”.
وتابعت “هل فيه محامي ممكن يمشي الموضوع، و ايه الاجراءات إلي ممكن تتم مع ضمان حقوقى”.
ويرد خبراء الصحة من مولاتي
هناك مقولة تقول يختبر الرجل ع مرض زوجته وتختبر المرأة ع فقر زوجها، أما عنك سيدتي فمن الواضح أن زوجك لم يكن يبخل عليكم بشئ وانك لم تذكري أي شئ يدل على بخله أو سوء خلقه كما اكدتي أنه ومازال متمسك بك وببيته.
الحفاظ على الزوج
لذلك ارجوكي أن تحافظي على هذا الزوج وأن تدعميه ليقف على رجله مره اخري وأن تبحثي عن عمل معه طالما عمل شريف خاصة وانك تعلمين حاليا ظروف البلاد الصعبة وأن لا تضغطي عليه وتهدديه ان تتركيه ابذلي كل ما في وسعك لاستمرار العلاقة واسأل الله لكم الرزق والبركة في حياتكم وان يجعل الله لكم من كل ضيق مخرجا”.
