هل يسقط ورث الفتاة من أبيها بعد الزواج؟ .. مشكلة من بريد مولاتي

كتب- ندى الجبالي

نقدم لكم مشكلة من بريد مولاتي تتطلب الرد من فريق الموقع وقرائه الأعزاء.

تقول” س. م “انا متجوزه فى محافظة غير محافظتى متجوزه من 27سنة وانا حالين 43سنة ووالدى اتوفى من 14سنة بابا سايب بيتين وانا البنت الوحيده يعنى عندى اخين واحد اكبر منى وولد اصغر بكتير الكبير اجوز وخلف بنت وطلق واجوز تانى وطبعا فرح وجهاز وشقه تانيه ده قبل م بابا يتوفى وانا اجوزت واطلقت ورجعت ل جوزى تانى تمام”.

وتضيف:” لما جيت بعد 10سنين بعد وفاتى ولدى اطلب بالميراث ماما غلطت فيا وقالت انى اجوزت وبقيت مسئولة من زوج عاوزه ايه وقسمت دول بالنصف بنها وبين بابا ولو باعهوهم هيروحو فين وانا عاوزه ارميهم ف الشارع ولا ايه واخوكى الصغير لسه مش اتجوزه لما يتجوز زيكم وقالت كلام كتير “.

وتتابع: “على فكره انا بتعالج من الكانسر وجانى ضغط واكتشفت ماخرا انى عندى كمان سكر ووصلنا ان ماما قالتلي اما اخوكى يتزوج ونخلص وبعدين نجيب حد يقيس وكل واحد يعرف حقه وكده سكت واخوىا اتجوز وكمان خلف ولحد دلوقتى محدش اتكلم فى اى حاجه مع العلم ان اخ قاعد فى بيت والتانى ف بيت وكل واحد ماقلم نفسه على كده”.

وتضيف” انا ابنى الكبير خلص هيتجوز ومش لاقيه حتى اساعده وصعبان عليا نفسى وابنى نفسى اخرج من بيت العيله اللى جبلى المرض بس مش عارفه اتكلم فى الموضوع لان ماما مستغليه برى لها وانى خيفه على زعلها ومفضل مصلحة اخواتى عليا ما هى عندها البنت خلاص اتجوزت جوزها هو المسؤول عنها دلوقتى انا مش عارفه افاتحها ازاب وخايفه عليها”.

رد مولاتي

سيدتي، انت لديك هلط كبير بين البر وطلب الحقوق، حقك في ورثك من أبيك أقره ديننا الحنيف، وان تطالبي به والدتك وأخيك بلطف ليس بالآمر الصعب، ولكن طالبي من منطلق انه حق ولا أحد يتفضل عليكي به.

وإن وجدت الأبواب مغلقة أمامك يمكنك توسيط أي شخص كبير من عائلتك له كلمة لإقناع أخوتك بحقك وحق ابنائك.