“عمره ما عمل عيد ميلاد لعياله”.. لهذا السبب سيدة تطلب الخلع

كتب -أسماء سرور

رفعت السيدة:” آلاء.ح” 30 سنة دعوى خلع على زوجها بسبب اعتراضه على حضور عيد ميلاد أى أبن لديه.

وقفت آلاء أمام محكمة الأسرة وقالت:” أنا متجوزة من 10 سنين وخلال الوقت دة عمره ما رضى يحضر عيد ميلاد لحد من عياله التلاتة وكنت بضطر اروح اعمله عند أهلى عشان العيال تفرح وتحس أنهم زى اللى حواليهم”.

وأضافت:” ألاء اللى كان بيضايقنى أنه بيحضر أعياد ميلاد قرايبه ولما اقوله اشمعنا عيالك يقول علينا جمايل وبردها وفى الأخر كنا نتخانق وخلاص، أخر مرة فى شهر 11 لاقيته حلف بالطلاق لا هعمل عيد ميلاد لحد من العيال طول ما انا على ذمته ولما سالته إزاى تحلف حلفان زى دة قال هو دة اللى عندى وإن كان عاجبك،غضبت عند أهلى وعملت عيد ميلاد أبنى قال خليكى عندك أنا عاوزك ولا عاوز العيال ومش بيبعت مصاريف،اضطريت أرفع خلع عليه”.

وقبلت المحكمة الدعوى ولم تصدر حكمها حتى الآن.