«جوزى بعد ما وقفت جنبه وكبر فى شغله عاوز يتجوز عليا»..معاناة سيدة

كتب- أسماء سرور

أرسلت إلينا ف.ر مشكلتها تطلب الإستشارة وقالت اتجوزت صغيرة وجوزى كمان صغير هو عنده 33 وانا 31 متحوزين بقالنا 12 سنة لاننا قرايب وبنحب بعض كان جوزانا سهل وربنا رزقنا ب 5 بنات زى القمر منورين حياتنا.

شغل حر

وأضافت السيدة جوزى شغال شغل حر الدنيا وقعت معاه أيام الكورونا ولكن بعدها عملنا مشروع ونجح جدا وكسبنا مكاسب كتير وكنت واقفة معاه خاصة أننا بنبيع منتجات نسائية فكان كل الزباين من الستات وقالت “جوزى أمور اوى واى واحدة بتيجى تشترى عينيها بتبقى عليه وكنت ببقى هموت من الغيرة بس كنت بقول بيحبنى وملوش غيرى “.

واستكملت السيدة شكوتها وقالت الدنيا كانت ماشية ولنكسب وبنكبر لحد ما فى يوم قالى “أنا حاسس إنى محتاج أعيش سنى وعاوز اتجوز واحدة تانية قولتله فى واحدة قال أسمها كنت هموت وأغمى عليا ولما فوقت قالى ملوش لازمة اللى بتعمليه انا قررت خلاص”.

وتابعت:”جمعت العيلة كلها وقولت ليهم اللى حصل الكل غلطه وقالوا ملوش حق ولازم يراعى البنات الموضوع كبر أكتر فى دماغه وصمم على الجواز عشان الفلوس كتير معاه مش مهتم لحد وقال البنات مصاريفهم هتيجى لحد عندهم ومش هظلمهم”.

وأردفت السيدة:” هددت بالطلاق بمنتى السهولة وافق وقال حقوقى هاخدها كلها وقالت “ازاى عمرى اللى ضاع وشبابى معاه والبنات اللى هما كل حياتنا ازاى يهون عليه يهد البيت ” وطلبت الإستشارة فى ماذا تفعل”.

رد قسم الصحة النفسية فى مولاتى

ردت الإستشارية النفسية شيماء مصطفى على هذه الرسالة وقالت ارى أن زوجك قرر ولن يمنعه أحد هو حسب كل الأمور وبدأ بطرح الخيارات المتاحة عليك مثل الإنفصال .

وأكملت مصطفى أنه من الضروري التظاهر بالقوة حتى لو من خلف قلبك وأن تظهرى له أن مستغنية حتى يبدأ بالإحساس بالتشويش على قراره وأن الأمر اصبح عادى الآن وبالنسبة للبنات فهم معك ولن تمنعيه من رؤيتهم متى أراد.

وأضافت مصطفى، أن القرار فى النهاية قرارك إن أردتى أن تكملى حياتك معه على ها الوضع وتتحملين رؤيته مع واحدة وأخرى ولست الأولى أو الأخيرة التى يحدث معها هذا ،أو الإنفصال بإحترام لنفسك ولبناتك ولصلة القرابة بينكم وتكملين حياتك بشكل طبيعى .