“أتجوز عليا عرفى بعد 3شهور جواز”..سيدة تطلب الطلاق
كتب -أسماء سرور
أرسلت السيدة” ه.م” إلى مولاتى مشكلتها وقالت:” أنا عروسة جديدة عندى 25 وجوزى 26 سنة متجوزين عن حب وأحنا قرايب من الأساس اتفاجئت بيه أتجوز بعد 3 شهور بس من جوازنا”.
الزواج الثانى
وأضافت السيدة جالى صدمة وحسيت أنى مش مصدقة روحت سألته وكان رده عليا “أنا بحبكو أنتو الأتنين ومش قادر أستغنى عن واحدة فيكم وانه كان بيحبها فى الجامعة فى نفس الوقت اللى كان مرتبط بيا ” الكلام نزل عليا زي الصاعقة محستش بنفسى غير وانا فى المستشفى .
واستكملت رفضت وجوده جنبى وطلبت الطلاق رفض بشكل نهائى لأنى حامل والدكتور حذر من الصدمة النفسية ممكن تأثر على الحمل ،أكتر حاجة صدمتنى أنه لسه متمسك بيها برغم ضغط أهله يطلقها وقال أنه مش هيسيبها تحت أى ظرف ومش هيطلقها .
ردت الإستشارية النفسية شيماء مصطفى وقالت:” ليس أمامك سوى خيار من الأثنين إما الإصرار على طلب الطلاق أو ان ترضى بالأمر الواقع وتكملين حياتك على هذا الوضع”.
الرضا بالأمر الواقع
وأضافت مصطفى:” كيف لك كأنثى لم تشعرى بخيانة زوجك ولو مرة واحدة أرى أنك تحبينه حبا كبيرا يصعب عليك تصديق أنه لغيرك وهو يعلم ذلك ويضمن وجودك”.
واستكملت مصطفى: أما بالنسبة لزوجك قد كسب من المواجهة بمعرفة علاقته الأخرى التى ستصبح بشكل رسمى ،إن أردتى رأيى هذا يعتمد على قوة أعصابك وتحملك لزواجه بعد 3 أشهر فقط من الزواج” .
