“أخو زوجي يجعل حياتي صعبة”.. سيدة تروي تجربتها مع تصرفات شقيق زوجها

كتب -أسماء سرور

أرسلت السيدة “م.ط” إلى مولاتى مشكلتها وقالت أنا سيدة متزوجة عندى 26 سنة وزوجى 26 كنا بنحب بعض فى الجامعة وأتجوزنا من 4 سنين بسبب أن جوزى من عيلة ميسورة الحال ساعدوه فى تكاليف الزواج.

وأضافت السيدة الحياة كانت كويسة وكنت بعامل أهله أنهم أهلى وبتعامل بحسن نية لحد ما لاقيت تلميحات كتير من أخوة خوفت أخدها على محمل الجد وكنت بكدب إحساسى .

رسالة الحب

واستكملت السيدة رسالتها وقالت “لحد ما بعتلى على الفيس أنه بيحبنى وعينه منى من أيام الخطوبة وأنه محتاجنى فى حياته من غير ما حد يعرف حاجه” أنا أتصدمت وقرأت الرسالة مرة تانية خاصة إنى بعتبره أخويا فعلا لأنه كبير العيلة وبحب جوزى جدا.

وأردفت السيدة قائلة كنت مضطرة أقول لجوزى اللى هو بنفسه لما شاف الرسالة قال ” دة أكيد أتجنن ازاى يفكر فيكى كده واتصل بيه بهدله وقطع علاقته بيه ” أحنا دلوقتى فى أى تجمع جوزى مش بيتعامل معاه نهائى وكمان قللنا من التجمع مع العيلة وبيفكر نهاجر عشان نقفل القصة دى .

ردت الإستشارية النفسية شيماء مصطفى وقالت ارى تصرف زوجك تصرف عقلانى جدا ويكفى أنه أغلق الموضوع بدون فضايح او مشاكل كبيرة .

السفر

وأضافت مصطفى بعدما ما حدث يجب عليكم التفكير فى السفر فعلا فهو حل ممتاز لهذة المشكلة لأن عدم التواجد فى نفس المكان هو أفضل حل منعا لدخول الشيطان بينكم وحتى لا يكبر الموضوع بين الأخوة أكثر مما هو قائم .ض