سيدة تخلع زوجها بسبب التكييف

كتب -أسماء سرور

رفعت السيدة شيرين .ع 26 سنة على زوجها دعوى خلع بسبب بخله فى المصروفات .

وقفت شيرين أمام المحكمة وقالت أنا وافقت أتجوز بيه لأن الوسيط قال أنهم ناس محترمة وهو كان شغله فى محافظة تانية مكنتش بركز أنه مش داخل بهدايا زي كل الخاطبين والجوازة تمت ورضيت بكل اللى قال عليه بعد الجواز لاقيته بيطلب مرتبى يدخل فى مصاريف البيت قولت الحياة مشاركة مش مشكلة الوضع الإقتصادى صعب على الكل .

البخل

وأضافت شيرين إحنا إتجوزنا فى الشتا مجرد ما بدأ الصيف والجو بقى حر وأنا جسمى بيتعب من الحر عشان كدة جبت تكييف فى جهازى لاقيته رفض أنه يشتغل بحجة الكهربا قولتله خلاص هدفع أنا الفاتورة رفض وصمم أنه مش هيشتغل نمت اليوم دة وتعبت جدا وضعطى وطى جامد تانى يوم نفس الكلام استحملت أسبوع بالعافية وبعدها غضبت عند أهلى .

وأستكملت طبعا أهلى عارفين ظروفى أخويا بيكلمه قاله محدش يحكم عليا وأنا مش هشغل التكييف ابدأ اضطرنى أرفع خلع عليه .

قبلت المحكمة الدعوى ولم تصدر حكمها حتى الآن .