ياسمين عبد العزيز تكشف عن خلاف لها قديمًا مع النجم أحمد حلمي.. اعرف السبب

كتب- رقية عيسى

كشفت الفنانة ياسمين عبد العزيز، عن خلاف بسيط وقع في الماضي بينها وبين الفنان أحمد حلمي، بسبب اعتذارها لتقديم فيلم معه.

وقالت ياسمين: ” اعتذرت عن فيلم ليا مع احمد حلمي وقبلت فيلم تمن دستة أشرار عشان الشخصيه كانت جذابه، وحلمي لما روحت اعتذرلتله وقتها زعل فقلتله معلش الدور ده عاجبني ونفسي اعمله وفعلا الفيلم نجح وكسـر الدنيا ساعتها، وعدا 10 سنين وجه قالي عارفة يا سمسم أكتر فيلم بحبه ليكي ايه ؟ قولتله أيه قالي فيلم 1/8 دستة اشرار .. قولتله عارف ان ده الفيلم اللي سيبت الفيلم بتاعك عشانه ؟ قالي بجد ؟! ، قولتله اه شوفت بقى إني كان عندي حق”.

وتابعت: ” فالموضوع مش بالكم المهم الدور مؤثر ولا لأ أنا بيضايقني الممثل اللي يقول عايز دوره من هنا لهنا، لا ده مبحبوش مش لازم اكون موجوده طول الوقت وبعدد مشاهد او اظهر ف كل مشهد في ناس عايزه تفضل طول الوقت ظاهره وطول الوقت بتقول ايفيهات طب وفين الناس اللي معاكي؟”.

واختتمت: ” في ناس بتخسر بسبب الموضوع ده اللي حواليكي ليهم دور لما انتي بتبقى نيتك كويسه وتدي مساحة للي حواليكي الكل بيطلع مبسوط ومرضي والشغل بينجح”.

وحلت النجمة ياسمين عبد العزيز، ضيفة في برنامج “صاحبة السعادة” المذاع على قناة Dmc، التي تقدمه الفنانة والإعلامية إسعاد يونس.