زوجة تطلب الخلع بسبب الرنجة..ما الحكاية ؟

كتب -أسماء سرور

رفعت السيدة “منيرة.ك” 25 سنة على زوجها دعوى خلع بعد الجواز ب 6 شهور فقط بسبب أكله للرنجة بشراهة .

وقفت منيرة أمام محكمة الأسرة، وقالت:” أنها تزوجت زوجها بعد سنة خطوبة كان فيها مسافر فى الخارج ونزل أجازة وتمت الزواج لم تراه سوى بضع مرات فقط ولم تتعرف على نظام أكله غير بعد الجواز”.

وأضافت منيرة اتفاجئت بيه 3 يوم الفرح بيسألنى إذا كان فيه فى التلاجة رنجة قولتله لا اتصل بأخوه بعتله رنجة وبصل أخضر وقعد ياكل وأكتشفت أن دى عادة من أغرب العادات عنده أنه لازم يتعشى كل يوم رنجة وبصل قبل النوم ودة بيسبب ليا أذى جامد من ريحة البصل النفاذة .

وأكملت:” سافرنا مصيف كنت برص الهدوم فى الدولاب لاقيته حاطط رنجة فى كيس وسط الهدوم اتجننت أنه للدرجة مش قادر يبعد عنها 3 ايام رد وقال أنه مش بيقدر يقاومها وأنها إدمان بالنسبة ليه وطبعا لازم البصل معاها اللى مهما عمل ريحته مش بتروح أبدا ،غضبت عند أهلى وجه يصالحنى شرطت عليه يقلل أكل الرنجة رفض وقال خليكى عند أهلك على طول ،طبعا أستحالت العشرة بينا لأنى مش هقدر اتعايش مع النظام ده”.

قبلت المحكمة الدعوى ولم تصدر حكمها حتى الآن .